Gravejournalist om laksedrama: – Eit maktspel mellom folkemakt og pengemakt
SKATT: Laksenæringas kamp mot lakseskatten kallar forfattar og gravejournalist Simen Sætre for «eit maktspel mellom folkemakt og pengemakt». – Er ikkje politisk spel, svarar Salmar-sjef
KRITIKAR: – Oppdrettsnæringa har tradisjon for å svartmale kritikarar, ikkje minst forskarar, seier Simen Sætre, som i fjor var med på å gi ut boka «Den nye fisken».(Foto: Erlend Berge)
Måndag denne veka kom beskjeden om at Salmar permitterer over 800 tilsette. Oppdrettsgiganten skuldar på regjeringas forslag til lakseskatt.
Frå før er det kome fleire slike varsel. Bransjeorganisasjonen Sjømat Norge koplar lakseskatten til over 1.300 permitteringar ved lakseslakteri og vidareforedlingsanlegg.
Simen Sætre har følgt laksenæringa tett i ei årrekke som forfattar og journalist. Han ser situasjonen som eit forsøk frå bransjen på å stoppa skatten.
