Gjevarar melder: «No har me forstått at det er 25.000 kroner me skal gje i året»
SKATTEFRIE GÅVER: Finansministeren gjorde det mindre gunstig å gje pengegåver med skattefrådrag. Gjevarane svarte med å gje vel 93 millionar mindre til frivillige organisasjonar.
LEIAR: Siri Nodland er generalsekretær i Fundraising Norge.
Erlend Berge
Fem milliardar og 68 millionar kroner. Så mykje gav privatpersonar i fjor til frivillige organisasjonar, gjennom ordninga med gåver med skattefrådrag.
Nordmenn gjev til den lokale kyrkjelyden, til Røde Kors, til bedehusforsamlinga, til Kirkens Bymisjon, til Sanitetskvinnene.
I 2021 kunne kvar og ein gje inntil 50.000 kroner i året og få frådrag på skatten. Finansminister Trygve Slagsvold Vedum (Sp) fekk SV med på å barbere ordninga kraftig frå og med 2022 då budsjettet passerte Stortinget.
