– Frykta for ein lang og smertefull død ligg bak forslaget
POLITIKK: I helga skal landsmøtet til Raudt behandla to forslag om aktiv dødshjelp.
MØTESTART: Partileiar Marie Sneve Martinussens tale markerte starten på Raudts landsmøte i helga.
Fredrik Varfjell
– Frykta for ein lang og smertefull død ligg bak forslaget vårt. Eg har sjølv observert dødsleie der eg har tenkt at om det var meg, kunne det vore greitt å døy nokre dagar tidlegare.
Det seier Jan Petter Bruun Bastøe, landsmøtedelegat og styremedlem i Raudt Sarpsborg. Lokallaget har foreslått at Raudt skal støtta ei utgreiing av aktiv dødshjelp i Noreg.
Fredag ettermiddag starta Raudts landsmøte. Mellom dei 905 forslaga som er komne inn til nytt arbeidsprogram, går to på aktiv dødshjelp. Begge forslaga kjem frå lokallag i Østfold.
