FN-topp før miljømøte: – Vi er i krig med naturen

På konferansen skal landa i verda prøve å bli samde om nye målsetjingar som kan bidra til vern av naturområde og dyre- og planteartar.

– Når det gjeld biologisk mangfald, så er vi i krig med naturen. Vi må slutte fred med naturen, oppmodar Unep-sjef Inger Andersen i forkant av opninga av møtet, ifølgje The Guardian.

Både naturområde og dyrebestandar har krympa raskt dei siste tiåra, mellom anna som følgje av utviding av jordbruksområde, avskoging og endringane i klimaet.