Erna Solberg råda ektemannen til å skaffa seg advokat
AKSJER: Erna Solberg oppmoda Sindre Finnes om å søka hjelp hjå advokat og PR-rådgjevar. Men ho vil ikkje velja mellom partiet og ektemannen.
MØTER PRESSA: Torsdag gjennomførte Erna Solberg (H) ein intervju-maraton.
Erlend Berge
– Eg har vore saman med Sindre og oppmoda han både til å skaffa seg advokat og litt hjelp til å skriva og svara på spørsmål frå media. Det er nesten umogleg å vera åleine om å svara på saker når du får så stort mediepress.
Det seier Erna Solberg til Vårt Land. Fredag sist veke offentleggjorde ho at ektemannen Sindre Finnes har gjort minst 3.600 aksjehandlar medan ho var statsminister. Finnes skal ha handla lagt meir enn Solberg var klar over, og ho skal ha vore inhabil i saker ho har behandla som statsminister.
No fortel Erna Solberg at ho sjølv har bede ektemannen søka hjelp til å handtera medietrykket.
