Bondevik om KrF-resultat: - Dette er ein psykologisk knekk
VETERAN: Kjell Magne Bondevik ser mogelegheiter, trass eit historisk dårleg resultat for KrF. Veteranen ber partiet søka mot Senterpartiet og fri til muslimske veljarar.
MØTE: Kjell Magne Bondevik har vore partileiar, statsminister og minister for KrF. Her møter han partileiar Kjell Ingolf Ropstad, første nestleiar Olaug Bollestad og andre nestleiar Ingelin Noresjø (til venstre) under Arendalsveka i år.
Erlend Berge
113.346. Det er talet på personar som stemte på KrF ved årets stortingsval, når 99,8 prosent av stemmene er talte opp. Partiet får ei oppslutning på 3,8 prosent, som er det dårlegaste resultatet KrF har fått i et stortingsval sidan krigen.
Heime i si eiga stove følgde partiveteran Kjell Magne Bondevik med på valsendingane. Han seier det er alvorleg at KrF kom under sperregrensa.
– Det gjev ein ekstra knekk, både reelt og psykologisk. Reelt, fordi partiet får ei mindre stortingsgruppe, mindre økonomisk støtte og mindre representasjon frå heile landet. Så er det ein psykologisk knekk - den fireprosenten er ein strek for alle parti.
