Bollestad: – Tru er meir enn fire kryss i eit skjema
Fungerande KrF-leiar Olaug Bollestad meiner Utlendingsnemndas (UNE) forståing av tru kan vere smal.
Olaug Bollestad er fungerande leiar i KrF.
Terje Pedersen
– Det er mange som opplever at Utlendingsnemnda ikkje forstår trusspørsmål. Vi må kunne møte tru på ein audmjuk måte. Tru er meir enn fire kryss i eit skjema, seier Bollestad til Vårt Land.
I det politiske styringsdokumentet til Solberg-regjeringa, Granavolden-plattformen, står det eit punkt om konvertittar som søkjer asyl i Norge:
«Regjeringa vil sikre at det blir halde nemndsmøte med personleg oppmøte, og at det blir gitt moglegheit til å føre vitne under nemndsmøte i Utlendingsnemnda i asylsaker der vurderingstemaet er truverdet ved ei konvertering. Den utvida tilgangen til personleg oppmøte gjeld berre éin gong i kvar sak.»
