Biskop blokkerer for lesbisk prest
Både soknerådet og bispedømerådet vil ha lesbiske Hanne Marie Pedersen-Eriksen som sokneprest i Sandøy. Men biskopen nektar å ordinere henne.
Teologistudent på siste året, Hanne Marie Pedersen-Eriksen, er svært glad for å fått tilbod om stillinga som sokneprest i Sandøy.
Thomas Haugersveen
Onsdag var første gong Møre bispedømeråd handsama ei tilsetjingssak der ein søkjar gir til kjenne at ho vil inngå ekteskap med ei av same kjønn.
– Vi brukte lang tid på denne saka. Vi ynskte å gi den god og grundig behandling, seier fungerande leiar i bispedømerådet, May Lisbeth Aurdal.
Rådet stemde til slutt for å tilby teologistudent Hanne Marie Pedersen-Eriksen stillinga som sokneprest i Sandøy, med atterhald om ordinasjon. No gjer Møre-biskop Ingeborg Midttømme det klart overfor Vårt Land at ho ikkje kjem til å ordinere Pedersen-Eriksen.
