Bibelskule-lærar: Kritikk mot Israel har gjeve meir fokus på songen
EUROVISION: Bibelskulelærar og Kyrkjemøte-medlem Andreas Holm er på plass i Malmö for å følga finalen i Eurovision. – Det var på ein måte to leirar blant publikum, seier han om Israels bidrag.
I MALMØ: Bibelskulelærar og kyrkjemøtemedlem for Frimodig Kirke, Andreas Holm, er også ihuga Eurovision-fan og på plass i Malmø.
Foto: Privat
– Det var ei rar stemning då Israel var på scenen under delfinalen. Ein del vendte seg vekk frå scenen, nokon gjekk ut, eg høyrte buing. Det minna om då Russland deltok i Eurovision etter å ha annektert Krim-halvøya.
Det seier Andreas Holm, som er i Malmö der han skal følga kveldens finale i Eurovision som publikum.
– Samstundes var det fleire som gav ekstra mykje applaus og positiv feedback under Israels framføring. Så det var på ein måte to leirar blant publikum.
