Bestemor blir skilt frå barn og barnebarn i Norge
DEPORTASJON: - No må lovgjevarane reagere. Denne saka kan ingen vere stolte av, seier Noas-talsmann Jon Ole Martinsen.
KLAR TALE: Jon Ole Martinsen er talsmann i Norsk organisasjon for asylsøkere (Noas).
Privat
Politiet kom umeldt til asylmottaket i Rogaland, midt på natta. Kvinna blei så frakta til Politiets utlendingsinternat på Trandum. Det ligg like ved flyplassen på Gardermoen.
Etter snart 25 år i Norge skal ho bli deportert til Etiopia straks papira som vil sleppe henne inn i heimlandet er i orden. Kvinna skal ikkje ha gyldig pass.
Ho kom til landet hausten 1999, frå Etiopia, søkte asyl og fekk avslag.
