Organisasjonar slit med å få innpass i skulen og går i staden til kyrkja. – Ikkje berre positivt, seier mangeårig kateket.
Årets konfirmantar i Oppsal syng med under kveldsgudstenesta sist søndag. Dei har ikkje hatt besøk av Reform i år, men kursleiarane har brukt opplegg frå Kirkens Nødhjelp i undervisninga.Eirik Bjørklund
– Vi ser at det er ein stor del av kulla som konfirmerer seg kyrkjeleg. Når vi konfirmantane, så når vi mange, seier Live Mehlum, rådgjevar i Reform – ressurssenter for menn.
I år har Reform, med opplegget «Stopp kjærestevolden», besøkt om lag 300 konfirmantar i Tunsberg bispedøme, der dei har snakka om seksualitet, vald og grensesetjing.
