Agder-kommune deler ut matkassar og gåver
JULEHJELP: Denne jula får rundt ti familiar i Bykle matkassar og gåver levert på døra av kommunen.
HANDLETUR: Folkehelsekoordinator i Bykle, Anna Lise Væting, har handla inn julemat til sambygdingar med dårleg råd.
Tor Erik Schrøder/Privat
Jula er ei tøff tid for mange. Det prøver Bykle, den nordlegaste kommunen i Agder, å bøta litt på. Denne veka deler kommunen ut kassar med julemat, godteri og gåver til folk som har bedd om hjelp.
– Folk blir veldig takknemlege når eg kjem med maten. Dei seier at dette gjer ein viktig forskjell for dei.
Det seier folkehelsekoordinator i kommunen, Anna Lise Væting. Denne veka har ho handla inn mat og gåver og levert dei på døra.
