Nemndlege: Kvinner ber om hjelp til å seia nei til abort
NY LOV: Gynekolog Ellen Holtan Folkestad har lang erfaring frå abortnemnd. Ho fryktar at seinare abortgrense kan gå utover kvinner som blir pressa av partnar eller familie til å ta abort.
I NEMND: I dette rommet pleier Ellen Holtan Folkestad møta kvinnene som har søkt om abort. Gynekologen har sete i abortnemnda i Vestfold i 13 år, og er den i nemnda med lengst erfaring.
Erlend Berge
Regjeringa har varsla at ei ny abortlov snart blir lagt fram for Stortinget. I forslaget blir grensa for sjølvbestemt abort heva frå veke 12 til veke 18.
Ellen Holtan Folkestad er gynekolog med lang erfaring frå abortnemnd ved sjukehuset i Vestfold. No åtvarar ho mot at å heva abortgrensa kan gjera at kvinner som blir utsett for abortpress, går under radaren for helsevesenet.
– Det finst kvinner som ber om hjelp til å seia nei til abort, seier Folkestad til Vårt Land.
