Regjeringa krev at papirlause reiser heim. Vestland vil gje dei meir hjelp
URETURNERBARE: Regjeringa krev at dei som får asylavslag reiser heim. Vestland fylkeskommune skal hjelpe papirlause med helse og utdanning. Både justisministeren og fylkesordføraren kjem frå Senterpartiet.
PAPIRLAUSE: Leiar i organisasjonen Mennesker i Limbo, Tor B. Jørgensen (t.h.), helsar på papirlause som demonstrerer utanfor Oslo tinghus i samband med ei rettssak.
Erlend Berge
I mars blir det klart kva konkrete tiltak Vestland fylkeskommune skal tilby gruppa som har fått samleomgrepet «papirlause flyktningar» – personar som ikkje har lovleg opphald i Norge.
I Vestland lovar dei meir hjelp til dei som Støre-regjeringa – og Sps justisminister Emilie Enger Mehl – vil ha ut av landet.
– Me vil utfordre den nasjonale politikken på området, for i dag har me ikkje ein god politikk. Norge bryt menneskerettane ved å ikkje tilby papirlause betre hjelp, seier fylkesordførar Jon Askeland til Vårt Land.
