Raymond Johansen: Ny skatt er dramatisk for Oslo

– Vi betaler allereie 15 milliardar kroner i skatt til staten. Det er ti gonger meir enn vi tek ut i utbytte. Vi bruker utbyttet til velferd, skular, barnehagar, sosialtenester og helse. Så det er viktig for oss, påpeikar byrådsleiaren overfor NRK.

– På kort sikt er dette alvorleg, på lang sikt får dette dramatiske konsekvensar for Oslo, seier han.

Nøyaktig kor mange kroner det er snakk om, vil ikkje Johansen kommentere no. Gjennom Hafslund er Oslo kommune den nest største krafteigaren i landet etter staten. Byrådet har budsjettert med 2,5 milliardar kroner i kraftutbytte berre neste år.

– Men det er bra at regjeringa ser på innteningsmoglegheiter og skattesystemet i ei krisetid, seier Johansen.

(©NPK)