Forslag om å frede villaen til jødisk familie i Larvik

I november 1942 vart heile familien arrestert og deportert til utryddingsleiren Auschwitz. Berre Herman Sachnowitz overlevde og vende tilbake til Noreg. Han mista faren, tre søstrer og fire brør i leiren.

I boka «Det angår også deg», gitt ut i 1976, fortel Herman Sachnowitz om åra konsentrasjonsleirar i Tyskland under andre verdskrigen. Han vart først send til Auschwitz, og så til Bergen-Belsen.

Vestfold og Telemark fylkeskommune har sendt eit forslag om å frede huset ut på høyring.

Formålet med fredinga er å bidra til at liva og historia til den jødiske minoriteten i Noreg blir dokumentert og teken vare på som del av europeisk historie.

– Fredinga skal vidare sikre eit fysisk og visuelt vitnesbyrd over korleis ein jødisk familie vart offer for antisemittismen til den tyske okkupasjonsmakta i ein norsk småby under 2. verdskrig, heiter det i fredingsforslaget Vestfold og Telemark fylkeskommune har utarbeidd.