Human Rights Watch: Russland brukte klasebomber mot Mykolajiv

– Russiske styrkar fyrte av rakettar utstyrte med klasevåpen mot den folkerike byen Mykolajiv, sør i Ukraina, i separate angrep 7., 11. og 13 mars 2022, skriv HRW i ei pressemelding.

Bruk av klasebomber er forbode gjennom internasjonal lov, på grunn av det store skadepotensialet mot sivile. Små enkeltladningar frå klaseammunisjon blir ofte liggjande udetonert, fram til dei blir funne eller trakka på i vanvare.

HRW opplyser at dei har analysert bilet- og videomateriale, og dessutan intervjua vitnar til angrepa.

– Russiske styrkar bør stanse bruken av klasebomber og desse tydeleg vilkårlege angrepa, seier forskar Belkis Wille i HRW.

Organisasjonen ber òg Ukraina slutte med å vise fram russiske krigsfangar på pressekonferansar og i sosiale medium.

Handlingane er i strid med Genevekonvensjonen som set rammer for behandling av krigsfangar.

– Ukrainske styresmakter bør slutte å vise bilete og videoar av russiske soldatar som utset dei for offentleg forvitenskap, særleg i tilfelle der dei blir audmjuka eller trua, heiter det i ei fråsegn frå HRW.

– Overgrepa gjorde av russiske styrkar er utbreidde og forårsakar sterk skade mot sivile. Samtidig har Ukraina klare forpliktingar dei må følgje, inkludert lovleg behandling av krigsfangar, seier Aisling Reidy, juridisk rådgivar i HRW.