Sør-Afrika med null koronadødsfall for første gong sidan mai 2020

Koronapandemien har ramma Sør-Afrika hardare enn andre land på kontinentet, noko som gjer nedgangen i talet på dødsfall oppsiktsvekkjande.

Førre gong landet ikkje registrerte eit einaste koronadødsfall på to døgn, var 12. mai 2020.

Sør-Afrika har gjennom pandemien registrert til saman nesten 100.000 koronarelaterte dødsfall, og over 3,6 millionar smittetilfelle.

Heller ikkje Zimbabwe, Namibia, Angola, Mosambik eller Eswatini har registrert koronarelaterte dødsfall det siste døgnet, men desse landa har dårlegare overvakingssystem i helsesektoren enn Sør-Afrika.

(©NPK)