Nyheter

Svensk LHBT-profil startar messe i frikyrkje

SVERIGE: Forfattar, komikar og artist Jonas Gardell har i fleire tiår vore ein talsmann for LHTB-rørsla i Sverige. Han vaks opp i den svenske baptistkyrkja, men forlet den som 16-åring. No er han kome tilbake – på talarstolen.

«Då eg gjekk forbi lokala for rundt eit år sidan, såg eg på oppslagstavla utanfor eit regnbogeflagg med teksten HER, ALLE ER VELKOMMEN! Så då gjekk eg inn. Og det var som å komme heim igjen.»

Det skreiv den svenske forfattaren, komikaren og artisten Jonas Gardell i ein post på Instagram søndag formiddag. Gardell er for mange i Noreg kjend for romantrilogien «Torka aldrig tårar utan handskar», som handlar om skeive i Stockholm på 1980-talet. Same dag skulle han gjennomføre si første messe Norrmalms kyrkje i Stockholm, saman med to av dei faste pastorane i kyrkja.

– Som å komme heim

Gardell er sjølv vaksen opp i den svenske baptistkyrkja. Han skriv på Instagram at han forlèt kyrkja som 16-åring.

«Lenge trudde eg at frikyrkjefolk var hyklerske som berre var ut etter å endre ein», skriv Gardell.

Lenge trudde eg at frikyrkjefolk var hyklerske som berre var ut etter å endre ein

—  Jonas Gardell

Han engasjerte seg seinare i livet mykje i teologi, blant anna med bøkene Om Gud (2003) og Om Jesus, og han fekk i 2007 eit æresdoktorat i teologi ved Lund Universitet.

Tidlegare har han engasjerte seg i Allhelgonakyrkan på Södermalm i Stockholm, som soknar under Svenska kyrkan. Men no vender han altså tilbake til frikyrkja han vaks opp i, og som han skildrar slik:

«Heile rommet er eit muskelminne, som når vintersola steig rosa om morgonen utanfor kjøkenvindauget, eller isbilen sitt signal i det fjerne.»

Samanslått frikyrkje

Norrmalms kyrkje tilhøyrer Equmeniakyrkan, som er ei samanslåing av Svenska Baptistsamfundet, Metodistkyrkan og Svenska Missionskyrkan. Den nye frikyrkja vart etablert i 2011.

Gardell fortel at han oppsøkte skeive messer i forsøk på å finne ei kyrkje han kunne kjenne seg heime i. Det var først i samband med research til si siste bok, Ett lyckligare år, at han oppsøkte Norrmalms kyrkje på ny.

«Eg oppdaga at Norrmalms kyrkje sin pastor Joel Sörensson var den einaste i alle kristne kyrkjer i Sverige som tydeleg forsvarte homofile.», skriv Gardell.

Les mer om mer disse temaene:

Hans Andreas Starheim

Hans Andreas Starheim

Vårt Land anbefaler

1

1

1

1

Annonse
Annonse

Mer fra: Nyheter