Kjempar for slaveerstatning til Michelle Obama
John Conyers er ein seig politikar som får det som han vil. Difor har USA ein fridag som heidrar Martin Luther King. No skal Michelle Obama få slaveerstatning.
Tippoldefaren til USAs førstedame, Michelle Obama, blei fødd inn i slaveriet. Kongressrepresentanten John Conyers jr. jobbar for etterkommarane av slaveriet skal få erstatning.
– Eg har lagt fram lovforslaget for Kongressen kvart år sidan 1989, og vil halde fram til det er innlemma i lova, lovar ein av USAs mest røynde folkevalde.
John Conyers jr. blei valt inn frå storbyen Detroit allereie i 1965. Sist tysdag blei han attvald til Representantanes hus for 26. gong, og blir med den kongressmannen med lengst fartstid i USA nasjonalforsamling.
I Detroit var det aldri tvil om at Conyers ville vinne valet. Som vanleg feia han den republikanske motstandaren av banen ved haustens mellomval. Med over 80 prosent av røystene nådde motkandidaten knapt opp til stemmeurna.
Bestill abonnement her
KJØP
