Pastor Graham: Palin vil ikkje bli president

I eit intervju på ABC, i programmet «Denne veka» («This Week») seier pastor Franklin Graham at Sarah Palin ikkje likar politikk og at han ikkje trur ho kjem til å stille opp for å bli president,

Den innflytelsesrike og også kontroversielle pastoren er son av Billy Graham. Graham junior reiste saman med Palin til Haiti. Palin var republikansk visepresidentkandidat for John McCain ved siste presidentval.

Graham sa at han ikkje veit kven han stør av dei andre kandidatane på republikansk side. Mitt Romney har, ifølgje Graham, vist at han er ein svært dyktig person.

- Då eg først såg at Donald Trump kasta seg inn, tenkte eg at dette måtte vere ein spøk. Men di meir du lyttar på han, di meir seier du til deg sjølv at kanskje mannen har rett, sa Graham.