Paven tonar ned opning for kondombruk

Truskongregasjonen i Vatikanet seier at somme har misforstått det paven sa i ei intervjubok: Der opna paven i somme tilfelle for bruk av kondom for å hindre spreiing av hiv og aids. Han nemnde mannlege prostituerte. Utsegna blei publisert i boka Licht des Welts (Lyset i verda) som kom ut tidlegare i haust.

Den harde lina Den katolske kyrkja har hatt mot all kondombruk, har gjort at Vatikanet er blitt kritisert for medansvar for den globale aids-krisa. Somme kommentatorar har ifølgje BBC oppfatta paveutsegna som ei oppmjuking av kondom-lina.