Selbekk opnar for å kaste seg inn i politikken

Vebjørn Selbekk, konstituert sjefredaktør i DagenMagazinet, fortel i eit intervju med den største israelske avisa Yedioth Ahronot at han ville vere glad for å gjere ei politisk karriere.

Under eit intervju i Gamlebyen i Jerusalem blir han spurt om han har planar om ei politisk karriere. Han svarar, med eit smil:

«Det er eit farleg spørsmål. Ein må aldri blande arbeid i media med arbeid i politikken. Dersom eg vert medlem av eit politisk parti, vil det gjere slutt på karriera som avisredaktør, og det vil ikkje vere ei lett avgjerd. Men svaret er ja, dersom den rette sjansen byr seg, ville eg med glede gå inn i politikken.»