Får kvinneleg prest

Den britiske monarken sin nye kapellan er kvinne, fødd på Jamaica og van med alt anna enn kongelege kår i sin vanlege kyrkjelyd. 49-åringen er til dagleg prest i Hackney, ein trist bydel i London som har vore plaga av ungdomsvald den siste tida.

Ei ære. Ho ser på utnemninga til kongeleg kapellan som ei stor ære for folket i kyrkjelyden og for henne sjølv, men seier ho vil preike som ho før har gjort.

– Noko av det eg er lidenskapeleg opptatt av er at vi høyrer til kvarandre og at vi ikkje må tillate at kulturelle skilnader blir eit hinder for å oppnå kontakt. Eg vil gje merksemd til det liva vi lever i Holy Trinity, Dalston and All Sants og Haggerston, seier Hudson Wilkin til det kyrkelege nyhendebyrået ENI.