TV-kanal suspenderer journalistar etter Holocaust-video

«Gasskammera drap millionar av jødar, så seier romanen, men kva er eigentleg sanninga om Holocaust, og korleis har sionistrørsla slege mynt på dette», stod det fredag å lese i ei twittermelding frå TV-kanalen Al-Jazeeras sosiale medier-avdeling, skriv Haaretz.

Saman med meldinga blei det publisert ein video med foto av Holocaust-offer supplert med ei røyst som sa «kvifor er det berre fokus på desse».

Utnyttar

Folkemordet på seks millionar jødar blei omtalt som «eit narrativ» som blei «adoptert av sionistrørsla», og at Israel har utnytta Holocaust maksimalt.

Videoen blei publisert på den arabiskspråklege twitterkontoen. På den engelskspråklege blei det publisert eit intervju med ein Holocaust-overlevande.

LES OGSÅ: Mein Kampf tilgjenglig på norsk: – Boka er et hatskrift

Suspendert

Leiinga i Al-Jazeera beklagar twittermeldinga og videoen og har suspendert to journalistar. TV-kanalen melder at journalistane har «underdrive og forvrengt» Holocaust.

Før meldinga og videoen blei fjerna frå TV-kanalens univers, hadde dei blitt sett 1,1 millionar gonger på Twitter og Facebook.

Fordømmer

Pressetalsmann Emmanuel Nahshon i Israels utanriksdepartement fordømmer twittermeldinga og videoen i harde ordelag. Han seier dette er slik Al Jazeera «hjernevaskar unge i den arabiske verda» og styrkjer hatet mot Israel og jødar.