I ei orientering til FNs tryggingsråd nyleg lista FNs høgkommissær for flyktningar opp desse krava:
• Humanitær hjelp til flyktningane og nærområda. Klarar verdssamfunnet dette, vil færre leggje ut på farlege reiser nordover.
• Sterk auke i støtta til naboland til Syria. Styresmaktene i landa rundt Syria må få utviklingsstøtte frå verdssamfunnet.
• Satse på tiltak som kan gjere flyktningar økonomisk sjølvberga, slik at dei kan yte noko tilbake til landa som har motteke dei. Bistandspolitikken må leggjast om, i dag får ikkje Libanon og Jordan nok bistand fordi dei er mellominntektsland.
Men, seier høgkommissær Guterres, no treng landa bistand for å handtere «det demografiske sjokket»; den enorme tilstrøyminga frå Syria.
