Solberg-regjeringa skal avgjere om Norge skal svare ja eller nei til å delta i krigen mot IS i Syria. Men Stortinget skal også ha eit ord med i laget.
– Vi må ha ein open, levande og intens debatt om ei eventuell norsk deltaking, seier SV-leiar Audun Lysbakken.
– Vi kan ikkje ha det slik som sist. Då gjekk vi til krig per mobiltelefon.
LES MEIR: SV vil gi KrF tilflukt
Ringte rundt
17. mars 2011 vedtok FNs tryggingsråd resolusjon 1973 om å bruke «alle naudsynte midlar» i Libya for å verne sivile.
Dåverande statsminister, Jens Stoltenberg, ivra for at Norge skulle delta i bombinga av Libya. Stoltenberg samla korkje regjering eller Storting for å fatte eit vedtak. Utanriksminister Jonas Gahr Støre ringte rundt til leiarane for opposisjonspartia, Siv Jensen, Erna Solberg, Trine Skei Grande og Dagfinn Høybråten – og fekk støtte. Seks F16-fly blir sendt til Kreta.
LES MEIR: SV trekker seg fra asylavtalen
Ikkje naudsynt
Dåverande leiar av Stortingets utanrikskomité, Ine Marie Eriksen Søreide, blei også varsla. Ho meinte at det ikkje var naudsynt å samle utanrikskomiteen for å bli orientert om Libya-operasjonen.
– Ting skjedde så fort, og situasjonen i Libya kravde det. Vegen blei til ein viss grad til medan vi gikk, sa ho til Aftenposten i april 2011.
I dag er Ine Marie Eriksen Søreide forsvarsminister i Solberg-regjeringa.
Seier nei
I SV, som støtta Libya-bombinga i 2011, ser ein annleis på ein Syria-innsats:
– Situasjonen kan fort gå frå vondt til verre, slik vi har sett det i Afghanistan, Irak og Libya, seier Lysbakken.