Som forskar ved Senter for medisinsk etikk registrerer Magelssen dei som står fram i media og fortel om ulækjeleg sjukdom – og at dei ønskjer å gå ut av livet med bistand.
LES MEIR: – Eg er redd for vegen til døden
Formar opinionen
Magelssen meiner forteljingar som den til Knut Bjarkeid er med på å forme nordmenns syn på aktiv dødshjelp.
– Når folk blir oppringt med spørsmål om dei er for eller mot i gitte situasjonar, tenkjer folk naturlegvis mest på seg sjølv – og er positive. Mange ser for seg ein situasjon der dei ville ønskje å ha dødshjelp tilgjengeleg som eit alternativ, seier han til Vårt Land.
Etikkforskaren seier posisjonen til lovgjevarane, som med nokre unnatak avviser til aktiv dødshjelp, er ein heilt annan.
– Dei må stille seg spørsmålet «kva samfunn går me mot om me tillet aktiv dødshjelp».
Teikn til endring
Magelssen peikar på at berre Framstegspartiet har hatt ein programpost i prinsipprogrammet som seier ja til aktiv dødshjelp, men at denne er sovande.
– No ser eg teikn til endring. Partiets helsepolitiske talskvinne har henta fram temaet.
Åshild Bruun-Gundersen seier til ABC Nyheter «at tiden er overmoden for å diskutere temaet på en seriøs måte», og at andre politiske parti bør bli med på drøftingane.