Ønskjer enklare namn på vigselsliturgi

I juni sende Kyrkjerådet ut framlegget til ny vigselsliturgi på høyring. Biskopane, bispedømmeråda og ei rad andre høyringsinstansar fekk 11 spørsmål, der nummer to var om namnet på liturgien Kyrkjemøtet kjem til å vedta i januar 2017:

Er de samde i å kalle ordninga «Vigselsordning for likekjønna og ulikekjønna par», spurde det øvste folkevalde organet i Den norske kyrkja?

Bunken av høyringssvar viser at storparten ikkje er det. Dei ønskjer eit kortare og enklare namn - av fleire grunnar:

«Dette synes å være et altfor komplisert navn, og det må arbeides for å finne en benevnelse som er enklere (...) Det må arbeides for å unngå at liturgiene får betegnelser som ‘den gamle’ og ‘den nye’ vigselsliturgien», skriv biskop Per Arne Dahl i Tunsberg.

LES MEIR: Her er den nye liturgien

Inkluderande

Hans framlegg er «Vigselsliturgi 2017». Med unnatak av Stavanger bispedømmeråd, som meiner namneforslaget til Kyrkjerådet er høveleg, vil dei aller fleste bispedømmeråda og biskopane bruke termen «Vigselsliturgi 2017» eller «Vigsel 2017».

Oslo bispedømmeråd går inn for «den mer brukervennlige, inkluderende og mindre kjønnsmarkerende tittel: Vigsel 2017».

Presisjonsnivå

Før Borg bispedømmeråd konkluderte med at dei går for «Vigsel», med undertittelen «for likekjønnede og ulikekjønnede par», drøfta rådet om dei skulle gjere framlegg om at namnet burde vere «Vigselsliturgi for alle».

I høyringssvaret skriv rådet «selv om det saklig sett kan være dekkende, vil svakheten være at presisjonsnivået blir lavere og at det kan oppfattes som om dette er en hovedliturgi på bekostning av liturgien fra 2003».

LES OGSÅ: Hva skjer når en kirkelig ansatt melder seg ut, men ønsker å beholde jobben?

Enklare

Biskopen som av mange blir trekt fram som arkitekten bak det skjøre kyrkjemøtevedtaket om vigsel av likekjønna, Halvor Nordhaug i Bjørgvin, er tydeleg på kva han ønskjer:

«Ordninga bør få eit enklare namn, og kan t.d. kallast ‘Vigselsliturgi 2017’, med undertittel:‘Vigselsordning for likekjønna og ulikekjønna par’.»

Mostand

Ut over å svare på spørsmåla, nyttar fleire høve til å kome med utfyllande kommentarar til det faktum av Den norske kyrkja skal byrje å vie likekjønna neste år:

• «Før høringsspørsmålene blir besvart, vil Agder og Telemark bispedømmeråd bemerke at det i rådet fortsatt er delt syn hva som teologisk kvalifiserer og definerer ekteskapet og om det derfor er rett å utvikle slike liturgier», melder rådet.

• «Til forskjell fra dem som på grunnlag av situasjonsbeskrivelsen i det siterte vedtakspunktet aktivt sluttet opp om vedtaket som har utledet høringen, ønsket og forsøkte vi med vår stemmegivning i KM-sak 17/16 å forhindre at den prosessen høringen er en bestanddel i, skulle komme i gang nå. Vi opplever oss derfor å stå på utsiden av denne prosessen, nærmest som interesserte observatører, og synes det er vanskelig å finne og definere vår plass blant dem som er invitert til å avgi høringssvar», skriv fem medlemmer av Stavanger bispedømmeråd i ein protokolltilførsel i høyringssvaret.

LES MEIR Kamp om navn

Motstandar

Ein biskop, Stein Reinertsen i Agder og Telemark, ønskjer eigentleg ingen ny liturgi:

«Jeg forstår ekteskapet som et forhold mellom én mann og én kvinne. Etter min mening er det derfor ikke teologisk dekning for å utarbeide en liturgi for likekjønnede par og jeg er derfor imot at kirken vedtar disse liturgiene», skriv biskop Stein Reinertsen.

Reinertsen tilhøyrer mindretalet i Bispemøtet som er imot likekjønna vigsel, men han stemte likevel saman med dei andre 11 biskopane på Kyrkjemøtet i april.

Bjørgvin bispedømmeråd avviser også den nye liturgien:

«Vi ynskjer prinsipielt ikkje ei slik ordning då det bryt med vår oppfatning av kva eit ekteskap er», skriv rådet. Halvor Nordhaug er som Bjørgvin-biskop medlem av rådet. Men på Kyrkjemøtet sa han han som Reinertsen ja til ny liturg for likekjønna.

Tempo

Menighetsfakultetet (MF) i Oslo, som utdannar flest prestar til Den norske kyrkja, meiner farten er vel høg i liturgisaka. MF skriv at «Det er nødvendig å påpeke at det teologiske grunnlaget for kirkelig vigsel av likekjønnede par ikke er tilstrekkelig avklart» og «Dette er ikke nødvendigvis et argument mot å vedta en slik liturgi nå, men det maner i det minste til en viss forsiktighet.»

Kvarmann

Kyrkjerådet inviterte til ei open høyring. Så i tillegg til 30 høyringsinstansar, har 40 kyrkjelydar, organisasjonar og privatpersonar sendt inn høyringssvar.

Følg oss på Facebook og Twitter!