Nyheter

MDG-leiar har tre forklaringar på suksessen

– Folket har talt, dei ønskjer meir grøn politikk. Saman har me endra Norge for alltid.

Bilde 1 av 2

Heia fram på scenen kom MDGs største profil, Oslos miljøbyråd Lan Marie Berg, og tok valvaka på Sentralen i Oslo med storm:

– Det ser ut til at me blir attvalde, seier Berg – og MDG-arane svarar taktfast:

– Fire nye år, fire nye år, fire nye år.

MDGs oppslutning vil truleg bli dobla ved valet i Oslo: Opp frå vel 8 prosent i 2015 til vel 17 prosent.

– Me elskar bomringen, ropa Berg, og viste til den massive debatten om bompengar som har herja Norge.

I Oslo går Ap sterkt attende, men Raudt og SV styrkjer seg saman med MDG, så det raudgrøne byrådet går mot attval med Aps Raymond Johansen som byrådsleiar.

LES MER: Nedstemte KrF-topper etter varsel om tidenes verste valgtall for KrF

Forklaringar

Oppslutninga nasjonalt er også i sterk vekst, opp frå vel 4 prosent i 2015 til nesten 7 i år.

Nasjonal talsperson Arild Hermstad har tre forklaringar på MDGs sterke framgang:

Solberg-regjeringa leverer ikkje på klima- og miljøpolitikk - «folk går lei».

Klimastreikane som har engasjert store ungdomsgrupper rettar søkelyset mot klimautfordringane.

Det går ei grøn bølgje gjennom Europa, som dei store partia ikkje evnar å svare på.

LES OGSÅ: Ap ligger an til tidenes dårligste fylkestingvalg

Folkevalde

MDG går fram fleire stadar i Norge, til dømes i storbyar som Bergen og Trondheim, og Hermstad ser gode tal fleire andre stader også. Han understrekar at MDG er meir enn Oslo – - og at partiet har ein brei appell:

–Det er ei myte at MDG berre er opptekne av klima- og miljøpolitikk, me har hatt 230 folkevalde rundt om i kommunane, som kvar dag leverer på all politikk som er viktig, seier Hermstad. No får dei langt fleire.

Klimaval

Teodor Bruu, nasjonal talsperson i Grøn Ungdom, seier partiet har klart det mange ikkje trudde:

– Me skal vere stolte, me har klart å gjere dette valet til eit klimaval.

Medlemsvekst

For vel ti år sidan hadde MDG vel 350 medlemmer i heile Norge. I haust har eit lokallag i Oslo like mange medlemmer. Samla har MDG no vel 7.000 medlemmer.

Les mer om mer disse temaene:

Bjørgulv K. Bjåen

Bjørgulv K. Bjåen

Bjørgulv K. Bjåen er journalist i nyhetsavdelingen i Vårt Land.

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter