Lovar opne kyrkjedører

Margaret Mayman er prest i Uniting Church. Ho talar statsminister Malcolm Turnbull midt i mot. I ein demonstrasjon utanfor immigrasjonsdepartementet kravde Mayman at 267 asylsøkjarar ikkje må bli deporterte til øystaten Nauru.

Australias skiftande regjeringar fører ein tøff asyl- og flyktningpolitikk. Sidan 2012 har Australia stoppa båtar med flyktningar som har forsøkt å nå fastland. Asylsøkjarane som blir plukka opp på havet blir frakta til flyktningleiarar på Nauru, som er ein fattig miniputtstat i Stillehavet, og til Manus Islands i Papua New Guinea. Australia betalar begge land pengar for å huse flyktningleiarar.

LES MEIR Her sitter åtte i kirkeasyl

Mishandling

Her blir asylsøkjarane plasserte under streng kontroll, ofte i periodar på fleire år, og det har kome opplysningar om systematisk barnemishandling og valdtektsforsøk i leirane. På Nauru er det over 500 personar som har søkt asyl i Australia og på Manus Islands er det over 900.

Bryt lova

No har Australias øvste domstol avgjort at det ikkje er i strid med grunnlova å sende asylsøkjarar til leirar i andre land. Saka som høgsteretten avgjorde starta då ei ein bangladeshisk båtflyktning gjekk til sak mot staten. Ho blei sendt til Nauru, før ho blei henta til Australia for medisinsk behandling under ein graviditet. Advokatane til kvinna meiner Australia bryt grunnlova når dei vil returnere henne til Nauru.

LES MEIR Historien om hvordan kirkeasylet oppsto i Norge

Låser kyrkjer

Høgsterettdommen rammar 267 personar, mellom dei 72 barn, som akkurat no oppheld seg i Australia, men som skal deporterast til Nauru.

Ti kyrkjelydar frå to av Australias største kyrkjesamfunn, Den anglikanske kyrkja og Uniting, har samla seg om ein fellesaksjon. I protest mot deportasjonane har dei opna kyrkjene for kyrkjeasyl.

– Vi er budde på å låse bygningane for å sjå om styresmaktene vil gå så langt som å bryte seg inn, seier domprost Peter Catt i Den anglikanske kyrkja i Brisbane.