Hovudstadens byråd ønskjer å regulere trussamfunn
Både dei som trur og ikkje trur skal bli møtte med respekt i Oslo, lovar byrådet. Men det ønskjer å ta statsstøtta frå trus- og livssynssamfunn som ikkje praktiserer likestilling og inkludering.
Ny byrådsplattform i OsloLan Marie Berg frå MDG (t.v.), Raymond Johansen frå Arbeidarpartiet og Sunniva Holmås Eidsvoll frå SV la tysdag fram den politiske plattforma partia skal styre Oslo etter i åra fram til 2023.(Foto: Håkon Mosvold Larsen/NTB scanpix)
– Me vil arbeide for regelendringar på nasjonalt nivå, fortel kulturbyråd Rina Mariann Hansen (Ap), som har ansvaret for hovudstadens trus- og livsynsspolitikk.
Arbeidarpartiet, SV og MDG la i går fram den politiske plattforma mindretalsbyrådet skal styre Oslo etter. Her skriv byrådet at det vil «jobbe opp mot staten for å få mulighet til å stille krav om likestilling og inkludering til organisasjoner og livssynssamfunn som mottar offentlig støtte.»
LES MEIR: Ap-Johansen reagerer på kvinnemangel i styrer
