Den grå hatten, kunstnarens karakteristiske hovudplagg vernar mot junisola, ekstra varm i år. Sitjande på kne pressar han sement ned i sprekkane mellom dei fem steinane i holet på gangvegen. Han har gjort det mange gonger før, fått laga eit hol i brusteinen, i fortauet, i asfalten. Ned i holet set han ein stein, ti gonger ti centimeter. På toppen ei messingplate. Namn, fødselsår, lagnad.