Ethical Consumers Australia kan hjelpe deg, der du står i butikken og skal handle. Forbrukarorganisasjonen har utvikla ein app som du lastar ned på mobilen din, Good On You.
Når du tastar inn namnet på kjende, internasjonale merke-varer, gjev app-en deg svar i tre kategoriar, arbeidsrettar, miljø og dyr; bruken av skin, pels og hår.
Rangeringane er femdelte; storvegs, godt, det er ein start, ikkje godt nok og unngå.
Om verktøyet seier Ethical Consumers Australia; «du får makt til å gjere betre handlar om du er ein informert handlar».
Byr deg lakse-CV
Forbrukarane vil i aukande grad vite kvar mat og drikke kjem frå – og om dette er blitt produsert på ein berekraftig måte. Difor tilbyr teknologiselskap som IBM og klassifiseringsselskap som DNV GL såkalla blokkjedeteknologi - ei blokkjede er ei slags rekneskapsbok som sporar alle data til eit produkt.
Kva åt laksen?
Dermed kan du skanna QR-koden på til dømes norsk laks, og vips; så står du med ein komplett «lakse-CV» med all laks produsenten sel: Kva opphav fisken har, når egga blei klekte, kva settefiskanlegg han har vore i, kor stor han var då han blei sett ut i sjøen, kva sjøanlegg han kjem frå, kva vaksinasjonar han har fått, kva fôr han har ete – og når og kvar han blei slakta.
Slik kan forbrukaren avgjere om dette er berekraftig føde.
LES MEIR
• Lov skal tvinge fram kunnskap om korleis varer er produserte
• KN vil ha «kraftfull lov» for å nedkjempe barnearbeid i produksjonskjedene