Nyheter

Barn får langt færre tilbod i ferien: – Alvorleg, seier statsråden

Det blir ein kraftig nedgang i aktivitetar for barn sommar, viser ei ny undersøking. Nesten 1 av 2 av organisasjonar halverer tilboda sine

– Kan eg få bli med? ropar barne- og familieminister Ida Lindtveit Røse (KrF) til eit titals barn i Tøyenparken i Oslo.

Ho vil aller helst leike «1-2-3 raudt lys», men får lov til å bli med og hoppe over hinder og spurte sikksakk mellom kjegler, slik ungane på Tøyen skal gjere i sommar.

Etter ein tøff koronavår er Tøyen Sportsklubb (TSK) fast bestemte på å ikkje ta bort møteplassane til ungane i nærområdet – snarare tvert imot. Men halvparten av landets barne- og ungdomsorganisasjonar har tenkt annleis.

Oppmodar organisasjonar: – Vurder å snu dykk rundt

Trenden er tydeleg: Det blir langt færre gruppeaktivitetar å delta på denne sommarferien. Nesten 20 prosent av barne- og ungdomsorganisasjonane har avlyst tilboda sine heilt, og 50 prosent halverer aktivitetane sine. Det viser ei spørjeundersøking Bufdir har sendt til ulike organisasjonar.

– Det er alvorleg, spesielt med tanke på den tunge våren dei mest sårbare ungane har hatt, seier barne- og familieministeren.

– Med dei nye smittevernreglane håpar eg ein del aktørar vurderer å snu seg rundt og arrangere ting likevel, anten fysisk eller digitalt, seier Ida Lindtveit Røse.

Barne- og familieminister Ida Lindtveit Røse (Krf) i Tøyenparken. Tøyen Sportsklubb.

Statsråd Røse fekk ein smakebit på Tøyen Sportsklubb sine aktivitetar saman med Lakkegata skole i Tøyenparken i Oslo.

I april la regjeringa 150 millionar kroner på bordet for at låginntektsfamiliar skulle få tilbod i ferien. Så kom 53 millionar ekstra i revidert nasjonalbudsjett. Likevel er smitteverntiltaka for dyre og for omfattande for mange organisasjonar, viser Bufdir-undersøkinga. Dei treng fleire frivillige, større lokaler eller fleire bussar. Men statsråden meiner regjeringa har gjort mykje.

– No er det vanskeleg å sjå gode grunnar til at tenestar til barn og unge skal vere nedskalerte. Me må prioritere desse tilboda. Og gitt dagens smittesituasjon, skal det vere heilt mogleg å gjere, seier Lindtveit Røse.

LES ÒG: Minoritetsrådgivarar fryktar tvangsekteskap, æresrelatert vold og negativ sosial kontroll under pandemien

Barne- og familieminister Ida Lindtveit Røse (Krf) i Tøyenparken. Tøyen Sportsklubb.

Frivillig Abdinor Mahamed fortalde statsråden om Tøyen Sportsklubb sin visjon om å inkludere alle. Foto: Erlend Berge.

Vil ha null terskel for å bli med

I fem år har frivillige drive idrett for nabolagsbarna gjennom Tøyen Sportsklubb (TSK). Og koronaen stoppar ikkje årets aktivitetar. Den daglege leiaren vil nesten gå så langt som å seie at dei aukar tilbodet denne sommaren.

– Me står iallfall klar til å trykke på «play» for mange aktivitetar. Me ventar framleis på svar på ein del økonomisk støtte, men så snart me får, har me ein gøy sommar å tilby ungane på Tøyen, seier Sindre Andresen.

I det legger han basketcamp, dagleg uteleik, friluftsgrupper og symjeturar – blant mykje anna. Det er viktig for sportsklubben å fjerne alle tersklar som hindrar barn i å bli med. Klubben låner ut innesko og stiller med bandykøller, og det kostar berre 100 kroner i året å vere med. På nedre Tøyen bur 65 prosent av ungane i familiar definert innan «vedvarande låginntekt».

– Eg trur dette betyr enormt mykje for barna i bydelen. Det er berre å sjå seg rundt – då ser ein at ungar faktisk ikkje har dei same moglegheitene. Det er skummelt, seier frivillig og prosjektleiar Abdinor Mahamed.

– Berre fordi du er frå Tøyen, og mor di og far din ikkje har utdanning, så gjer du det dårlegare. Men me brenner for å gi alle like moglegheiter, seier han.

Barne- og familieminister Ida Lindtveit Røse (Krf) i Tøyenparken. Tøyen Sportsklubb.

Barne- og familieministeren fekk tøff konkurranse frå Lakkegata-elevane gjennom hinderløypa i Tøyenparken i Oslo.

Frå tronge leilegheiter til viktig leikeplass

Hooda Ahmed har vore frivillig i fleire år, og skal bruke delar av sommaren med barna i bydelen. Ho ser at Tøyen Sportsklubb er ein møteplass kor det ikkje blir forskjell på ungane.

– Mange på Tøyen bur i tronge leilegheiter. Så berre det å få kome ut, puste litt, henge med vener og ikkje måtte kjenne på den trengsla, trur eg betyr mykje. Dette er ein friplass, kor barna kan kome og få vere seg sjølv og ha det gøy, seier Ahmed.

Ho får støtte av Abdinor Mahamed, som meiner sportsklubben eigentleg ikkje gjer noko revolusjonerande.

– Det er heilt enkle ting me held på med, ingenting hokus poks. Men berre det å tilby idrett, utan å måtte spele i serie eller trene fire gonger i veka, inkluderer fleire, seier Mahamed.

Ida Lindtveit Røse er ein av mange politikarar som har latt seg inspirere av eldsjelene som feirer fem år i år.

– For mange ungar er berre det å leike ball på løkka ei heilt fantasitsk oppleving. Sjølv om sommaren i år blir annleis, oppmodar eg sterkt til at organisar får til littegrann. Det skal ikkje så mykje til for å glede barna, seier ho.

LES MEIR:

– Ikke glem at ferie faktisk er tvang, skriver Kaia Storvik

Slik ville regjeringa redde sommarferien til sårbare barn

Ikke alle har råd til sommerferie

---

Fakta:

---

Les mer om mer disse temaene:

Ruth Einervoll Nilsen

Ruth Einervoll Nilsen

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter