– Vi starta vinteren 2009 og brukte fem månadar til første sak. Gjennom undersøkingar og tilgang til interne dokument i SOS Rasisme, dokumentere vi at størsteparten av leiinga også var medlem i det kommunistiske mikropartiet Tjen Folket. TF-medlemmar hadde også dei best betalte stillingane. SOS Rasisme, som hevda å ha 40.000 medlemmar, var altså blitt ein front for ei gruppe som argumenterte for politisk vald og sjølv hadde nokre titals aktive medlemmar. Så tok personar over heile landet, som hadde blitt meldt inn utan å vite om det, kontakt. Vi følgde penge- straumane frå SOS Rasisme til TF og fekk til slutt ein kopi av medlemsregisteret, som viste at medlemsjukset var gjennom- gripande.
LES OGSÅ: Omfattende siktelser mot SOS-rasisme
– Skal ha hamna blodig på legevakta
– Korleis var det å jobbe med saka?
– Det var lange dagar prega av store dokumenthaugar og mykje kjeldepleie. Veldig interessant. Staten og kommunar var tilsyne latande handlingslamma.
– Kva konsekvensar har saka hatt, bortsett frå rettssakene?
– Fleire personar som har gitt intervju til Dagbladet og varsla om kriminelle forhold i SOS Rasisme, har hamna blodig på legevakta eller fått truslar mot livet sitt. Det er trist og svært alvorleg.
– SOS rasisme har tidlegare blitt dømt for juks. No er det enkeltpersonar som er på tiltalebenken. Kva tenkjer du om rettssaka som startar i dag?
– Det blir sjølvsagt interessant. Vi skal dekke den grundig og gi alle høve til å svare for seg, slik vi har dekka denne saka tidlegare.
Følg oss på Facebook og Twitter!
Stor sak
– Aktor i saka som byrjar i dag kallar den «norgeshistoriens største medlemsjukssak».
– Det var før Den katolske kyrkja vart avslørt. Men SOS Rasisme-saka er over 30 gongar større enn AUF-saka, målt i tal på kroner i rettsoppgjeret. Eg er glad for å jobbe i ei avis som satsar på undersøkande journalistikk.
– Ingen av dei tiltalte erkjenner straffeskuld. Kva tenkjer du om det?
– Eg trur dei tiltalte sitt møte med rettsstaten blir ei interessant oppleving. Både for dei sjølve og for dei som følgjer saka tett.