103 lokallag mistar statsstøtta i valåret 2019
103 lokallag mistar statsstøtta i valåret 2019. Eitt parti er spesielt hardt råka.
Trine Skei Grande - her på landsmøtet i mars - leiar eit parti der mange lokallag ikkje får statsstøtte i valåret 2019.
Alley, Ned
– Forklaringane skal verkeleg vere tungtvegande når ein ikkje har evna å overhalde rapporteringsfristen, seier Anders Grøndahl, sekretariatsleiar i Partilovnemnda.
Staten yter raus støtte til politisk arbeid. Ved førre val, stortingsvalet i 2017, delte staten ut 407 millionar kroner til politiske parti på nasjonalt, regionalt og lokal nivå, opplyser Statistisk sentralbyrå (SSB).
Tilbake krev staten rapportar. I fjor haust sendte Partilovnemnda varsel om mogelege vedtak om avkortning av statleg partistøtte for 2019 til alle parti og partiledd som bryt partilovens krav om å rapportere inntekter og kostnadar i 2017 til SSB.
