Frå no av skal Kanye West berre lage kristen musikk
«Jesus is King» blir lansert fredag. – Det er rett timing, seier prosjektleiar i Music Norway.
At rapparar har vendt seg mot kristendommen har vore ein understrøm i hip hop nesten sidan starten, seier Carl Petter Opsahl frå MF. Her er Kanye West på Coachellafestivalen i april.
Amy Harris
Det var i samband med det komande albumet «Jesus is King» at Kanye West skal ha uttala at han ikkje lenger skal lage låtar som «Gold Digger», «Famous» eller annan sekulær musikk. Frå no av er det berre gospelmusikk som gjeld for rapparen. Det skriv nettmagasinet Hiphopdx. Albumet kjem ut med ein tilhøyrande konsertfilm med same namn.
Nærare kyrkja
– Eg gler meg veldig til denne skiva, og har skikkeleg trua, seier Einar Idsøe Eidsvåg. Han er prosjektleiar i Music Norway.
