Meir enn tusen nordmenn har reist til Madagaskar i misjonens teneste. Ikkje alle kom heim

Vesle Jorunn Astri Skjæveland på tre år ber mora om ho ikkje kan få ha på seg den fine kjolen med blomar på? Året er 1940 og staden er Soatanana, Madagaskar.

Den er for tynn endå, forklarar mora, men finn fram ein annan som til og med har lommer, som ho kan ha på seg. Om berre ein månad kjem temperaturane til å krype oppover i den vesle byen som ligg meir enn 1100 meter over havet.

«Der var ingen sure miner, men strålande ropar ho: Sjå pappa, dette er min lange, kvite kjole, slik som dei har hjå Jesus».