Har opna for kvinner i toppstyre i Misjonssambandet: – Stort og viktig
GENERALFORSAMLING: Fleire delegater i Misjonssambandet ville utsetje forslaget som opnar for kvinner i toppstyre, men fekk ikkje gjennomslag. – Stort og viktig for misjonens notid og framtid, seier Anne Rygg Lindseth om vedtaket.
På torsdag stemte det øvste organet i Misjonssambandet, generalforsamlinga, over eit historisk forslag. Under sak fem: «Menighetstenkning og organisasjonsstruktur» låg det eit forslag om å opne for kvinner i eitt toppstyre.
Forslaget trong minst to tredjedels fleirtal for å tre i kraft i starten av neste periode, altså i 2025, fordi det inneber ei endring i grunnreglane til misjonsorganisasjonen. Forslaget gjekk gjennom med 556 som stemte for, medan 120 stemte imot.
— Eg er veldig glad. Eg trur det ville vore utmattande å få utsett denne saka, seier Anne Rygg Lindseth.
