Venstre har heilt rett
Stortinget må få på plass eit lobbyregister. Motargumenta held ikkje vatn.
OPENHEIT: Venstres taleføre stortingsrepresentant Grunde Almeland meiner Norsk Industri-saka viser at denne typen påverkingsarbeid bør offentlegheita ha større innsyn i enn vi har i dag. Han og partiet bør få gjennomslag, skriv Vårt Land på leiarplass.
Terje Pedersen/NTB
Dette er ein leiar. Leiaren gir uttrykk for Vårt Lands syn. Sjefredaktør og politisk redaktør har ansvar for innhaldet.
E24s avsløring om at mangeårig direktør i Norsk Industri Stein Lier-Hansen disponerte ei hytte og jaktområde på Hardangervidda mellom 2015 og fram til i fjor haust, viser for alvor behovet eit lobbyregister. Jaktområdet vart brukt til relasjon- og nettverksbygging. Problemet er at vi ikkje veit kva eventuelle politikarar som har blitt påverka.
Det heng saman med statsvitar-nestoren Stein Rokkans berømte sitat: Stemmer tel, men ressursar avgjer. I vårt demokratiske maktsystem er det ikkje berre veljarane sin vilje som skjer.
