Stort fall i pressestøtta for dei kristne dagsavisene
Vårt Land får 12 prosent mindre i pressestøtte i 2019 samanlikna med 2018. For Dagen er fallet på 5 prosent. – Litt overraskande, seier Vårt Land-sjefredaktør Bjørn Kristoffer Bore.
Dagen-redaktør Vebjørn Selbekk (t.v.) og Vårt Land-redaktør Bjørn Kristoffer Bore.
Erlend Berge / Adrian Nielsen / montasje
Tala for 2019 kom frå Medietilsynet fredag. Den store nyheita er at lokalavisene får 5,6 millionar meir pressestøtte enn i fjor. Den totale potten har auka med 5 millionar til 318 millionar, noko som tilfell lokalavisene.*
For Vårt Land blir det derimot eit fall i pressestøtte på 12 prosent, frå 36,9 millionar kroner til nær 33,1 millionar.
– Dette er over to millionar mindre enn Medietilsynet sine eigne prognosar i juni, så det er litt overraskande, seier sjefredaktør i Vårt Land Bjørn Kristoffer Bore.
