Internett – ein tenar for poesien

– Avisene melder om dalande interesse for poesi, at folk kjøper og låner færre diktsamlingar, men det finst også ei uventa sterk interesse for lyrikk på Internett, seier diktaren Helge Torvund, som i ei årrekke har vore diktlærar på Dagbladets poesiteneste Diktkammeret.

Då Torvund starta opp med å lese og kommentere brukarane sine nyskrivne dikt, vart han førespegla rundt 800 innlegg i månaden. Det varte ikkje lenge før dei innsendte dikta var oppe i 8.000 per månad.

– Det har vore ei ubegripeleg vedvarande interesse. Det renn inn nye dikt døgnet rundt, heile året, kanskje med unntak frå på julaftan frå klokka fem, seier Torvund.