Inferno på norsk
I desse dagar blir det utgitt to nye omsettingar av Dantes Inferno. Det seier noko om vår tid, meiner professor i idéhistorie Unn Falkeid.
På den amerikanske nettsida «Dante today» kan du få oversikt over all slags populærkulturelle referansar til den italienske mellomalderforfattaren Dante Alighieris meisterverk Den gudommelege komedie. I New Orleans finn vi Dantes kitchen og i Colorado ligg Purgatory Ski Resort. Det finst dataspel, brettspel og puslespel, toalettpapir, Dante-shorts og nøkkelring, og i 2016 kledde skodespelar Rachel McAdams seg i ein Valentino-kjole pynta med sitat frå Komedien.
Dante har fått enorm betyding for vårt vestlege samfunn, ikkje minst gjennom skildringane av himmel, skjærseld og helvete, som har hatt ei sterk påverking på førestellingane om desse stadene. Og interessa for det 700 år gamle verket ser ikkje ut til å minke.
Menneskekunnskap
