Abort og likekjønnet vigsel er no lovleg i Nord-Irland

Parlamentsmedlemmer i Westminster i London har innført lover som inneber at abort og likekjønna vigsel vil bli gjort lovlege i Nord-Irland frå og med natt til tysdag.

Lovgjevinga stemt fram i London

Abort og likekjønna vigsel har fram til no vore bestemt av forsamlinga til Nord-Irland, betre kjent som Stormont. Ein politisk skandale i 2016, kjent som RHI-skandalen, der eit energiprosjekt førte til at 500 millionar pund blei sløste bort, har ført til at Nord-Irland har vore utan fungerande politisk styring sidan januar i 2017.

Grunna dei unike tilhøva i Nord-Irland må unionspartiet DUP og nasjonalistpartiet Sinn Féin samarbeida om det å leia forsamlinga.

Situasjonen har gjort det mogeleg for politikarane i Westminster å stemma fram ei avkriminalisering av abort og likekjønna vigsel, med stort fleirtal.

Politisk usemje

Medan abort har vore lovleg i resten av Storbritannia i over 50 år, og i Irland sidan i fjor, har det i Nord-Irland vore ulovleg fram til no. Unntaket har vore om graviditeten kan trua helsa til mora.

Likekjønna vigsel blei gjort lovleg i Storbritannia i 2014. Også det er no lovleg i Nord-Irland. Innan mars neste år skal styresmaktene få på plass eit tilbod til dei som ynskjer abort, melder BBC.

LES OGSÅ: s