Etter rulletekstane i dei berømte Toy Story-filmane dukkar det opp såkalte tabbescenar. I dei skal det sjå ut som om teiknefilmen er ein spelefilm kor skuespelarane gjer tabbar og utfører rampestrekar med kvarandre på filmsettet.
I den nå fjerna scena dukkar ein karakter frå Toy Story 2 med namnet Stinky Pete opp. I scena blir den gamle, skjeggete mannen tatt på fersken idet han på slibrig vis snakkar med to barbiedukker og forsikrar om at han kan gi dei rollar i den neste Toy Story-filmen.
Det var brukarar på ulike internettforum som i førre månad oppdaga at filmen var fjerna i dei nye utgjevingane – både på DVD og på nedlasting. The Guardian meldte om saka på onsdag.
LES OGSÅ: Ebba Witt-Brattström leter fram vitnesbyrdene fra litteraturhistorien i kjølvannet av metoo.
Ramma direktøren bak
Scena illustrerar den praksisen i underhaldningsbransjen som har kome fram i kjølvatnet etter skuldingane mot Harvey Weinstein, og den etterfølgjande metoo-kampanjen.
Den tidlegare mektige filmprodusenten Harvey Weinstein blei gjenstand for over 80 skuldingar av seksuelle overgrep og trakassering. Det medførte ein global trend kor spesielt skuldingar mot menn i mektige posisjonar skulle kome fram i lyset.
Interessant nok skulle også kampanjen spreie seg og ramme direktøren bak nettopp filmen Toy Story 2. Med-grunnleggjar og tidlegare animasjonssjef i Disney, Johan Lasseter, blei i slutten av 2017 skulda i å ha oppført seg uhøveleg og ha gitt uønska seksuell merksemd til kollegaer.