Det Oppenheimer kan lære oss om tvilens verdi
Utan tvilen risikerer vi å hamne i det ekstreme. Tvilar du ikkje på noko, trur du for sterkt.
Det finst eit ord for mangel på tvil: Kunnskapsløyse.
Det var i alle fall tanken som slo meg etter å ha sett Christopher Nolans tre og ein halv timar lange meisterverk på kino. Akkompagnert av Ludwig Göranssons episke filmmusikk, kjem dei etiske dilemmaene og tvilen knytt til desse som perler på ei snor.
Mannen som hadde mest kunnskap om kreftene i ei atombombe før konsekvensane av ho vart kjend for omverda – den jødisk-amerikanske fysikaren J. Robert Oppenheimer – var òg blant dei som tvilte mest på om den nokon gong burde bli tatt i bruk.
