Derfor var det riktig å kondolere til Iran
Den iranske presidentens hender var fulle av blod. Likevel var det rett av utanriksminister Espen Barth Eide å kondolere dødsfallet.
KONTROVERS: Det er nesten automatikk i å sende kondolansar når ein statsleiar døyr. Denne gongen var det mange som reagerte på utanriksminister Espen Barth Eides kondolanse til den iranske leiarskapen, skriv kommentator Emil André Erstad.
Yuki Iwamura
I Iran trudde dei han skulle bli den nye ayatollaen, då Ebrahim Raisi for tre år sidan vann det som skulle førestille eit presidentval. Embetet som president skulle vere springbrettet til den verkelege toppjobben i iransk politikk, å bli øvste leiar for den islamske republikken. Den sittande øvste leiaren, ayatollah Khamenei, er ein aldrande mann på 85.
Historia ville det annleis. Etter eit besøk til nabolandet Aserbajdsjan enda Raisi livet då helikopteret styrta. Også utanriksminister Hossein Amir-Abdollahian og sju andre mista livet. Spekulasjonane om kva som eigentleg skjedde peikar i alle retningar.
Kontroversiell kondolanse
