Å kaste mobilen ut av barneskulen er eit enkelt svar på eit større problem
Mobiltelefonen har ikkje noko i klasserommet på barnetrinnet å gjere. Men vi må lære neste generasjon å regulere teknologien betre enn vi sjølv har gjort.
Kunnskapsminister Kari Nessa Nordtun var raskt ute med å slå fast at mobiltelefonen ikkje har nokon plass i skulen, og onsdag kom tilrådinga frå regjeringa. Foto: Ole Berg-Rusten / NTB
NTB
Onsdag kom regjeringa og utdanningsdirektoratet med sine tilrådingar. Konklusjonen er tydeleg: Mobiltelefonen skal ut av barne- og ungdomsskulen. Også på vidaregåande blir det tilrådd strenge restriksjonar.
Innstramminga er eit teikn på at pendelen har snudd. Bølgja av teknologioptimisme har lagt seg, og foreldregrupper over heile landet fortviler over ikkje å få meir hjelp frå skuleverket til å ta grep.
Strengare regulering skal bidra til å gi mindre forstyrring i undervisninga, styrke skulemiljøet, forhindre mobbing og andre krenkingar, heiter det i forslaget.
