Makta kjem i 1.700 privatfly
Verdas økonomiske forum skal drøfte klimatrusselen. Difor kjem verdas mektigaste til Davos i kvart sitt privatfly. Og dei nektar å kjøre buss.
Sommaren 2013 kom Bill Gates og kona Melinda Gates med barn til Kjevik i privatfly for å besøke kronprinsparet. Nå har Gates reist til Davos. Her møter han igjen kronprins Haakon.
Tor Erik Schröder/NTB scanpix
Januar betyr toppmøte i eksklusive Verdas økonomiske forum (WEF). I går byrja årets samling i Davos. I år som i alle år før kjem verdas politiske og økonomiske elite til den sveitsiske byen. I år er det eit tema som opptek alle, seiest det: klimatrusselen.
På den internasjonale flyplassen i Zürich er det på ting som tyder på at statsleiarar, konsernsjefar og milliardærar tenkjer på klimaet. Det er nemleg så fullt på parkeringsplassen for privatfly at det sveitsiske luftforsvaret måtte opne ein militær flyplass for å få parkert alle privatflya som svevar over Davos denne veka.
LES OGSÅ: Utfordrende Davos-møte
